Smádýrabókin
Veggjatítla
Anobium punctatum
- Þarf meindýraeyði?
Já
Ummerki í timbri þurfa faglegt mat til að greina hvort virk sýking eða eldri skemmdir séu til staðar.
- Mögulegur skaði
Lirfur geta skemmt timbur og veikt burðarvið
- Við hverju má búast
Skoðun hjálpar til við að meta virkni og umfang skemmda og hvort þurrkunar, viðgerða eða meðhöndlunar sé þörf.
Ekki viss? Hringdu og lýstu dýrinu. Greiningin í símanum er ókeypis.
Um tegundina
Veggjatítlan er brún og sívöl bjalla með rákótta skjaldvængi, en það eru ljósu lirfurnar inni í timbrinu sem valda skaðanum. Þær grafa sig um rakt timbur árum saman og skilja eftir sig kringlótt útgönguhol og fínt tréryk, bæði í burðarvirki og gömlum húsgögnum. Lirfurnar þurfa nægan raka í timbrinu til að þroskast. Gömul borgöt ein og sér staðfesta ekki að virk sýking sé enn til staðar.
Staðreyndir
- Latneskt heiti
- Anobium punctatum
- Enskt heiti
- Common furniture beetle
- Kjöraðstæður
- Rakt timbur
- Lífsferill
- Lirfuþroski tekur oft nokkur ár, fullorðnar bjöllur lifa um tvær vikur
Viðbrögð og meðhöndlun
Mat á timburskemmdum, raka og meðhöndlun
Meðhöndlun fer eftir tegund, umfangi og aðstæðum. Ekki er alltaf þörf á efnum. Séu efni notuð eru þau leyfð til viðkomandi notkunar hér á landi og fylgja þarf notkunarleiðbeiningum og fyrirmælum meindýraeyðis.
Ertu með óboðinn gest?
Hringdu og lýstu dýrinu. Ráðgjöfin er ókeypis og oft leysist málið í einu símtali.