Meindýraeyðir

Um okkur

Traust. Reynsla. Árangur.

Fyrirtækið

Meindýraeyðir Íslands leggur metnað sinn í að hafa ávallt nýjasta og besta tækjabúnað sem til er á markaðnum í dag og er því ávallt vel tækjum búinn, ásamt því að halda menntun sinni við og fylgjast með öllum nýjungum á sviði meindýravarna hjá einstaklingum og fyrirtækjum.

Við höfum ávallt lagt metnað í að þjónusta viðskiptavini okkar sem best og óhætt er að hringja á hvaða tíma sólahringsins sem er.
Með brosi og jákvæðni að leiðarljósi, ásamt varanlegum lausnum og árangri, hefur hópur ánægðra viðskiptavina aukist ár frá ári. 

Meindýraeyðir íslands ehf, þjónustar jafnt einstaklinga sem og fyrirtæki. Auk þess tekur Meindýraeyðir íslands að sér forvarnar verkefni fyrir fyrirtæki og stofnanir sem og uppsetningu á varnarbúnaði, samkvæmt kröfum Heilbrigðiseftirlitsins um innra eftirlit eftir GÁMES (HACCP) og BRC Global Standards.

Í dag þjónustar Meindýraeyðir Íslands ehf fjölda fyrirtækja sem snertir þverskurð viðskiptalífs á Íslandi. 

 

Sendu okkur línu

Við hikum ekki við að deila okkur reynslu í meindýravörnum. Þú getur sent allt frá vangaveltum til beiðna við svörum eftir bestu getu

 
 

Starfsfólk

 
 

Eigandi

Steinar Smári Guðbergsson

Netfang: steinar@eydir.is

Steinar Smári Guðbergsson stofnaði fyrirtækið árið 1999 og hefur hann starfað við meindýraeyðingu meira og minna síðan þá. 
Ástætðan fyrir því að Steinar gerðist meindýraeyðir, var sú að hann bjó út í sveit, ásamt fjölskyldu sinni og honum blöskraði músa og köngulóamergðin við bæinn og í útihúsunum, svo hann ákvað að halda þeim í skefjun með meindýravörnum. Efni sem aðgengileg eru almenningi nægðu ekki í þessi verk og því leitaði Steinar sér menntunar á sviði meindýraeyðinga.
Til að gera langa sögu stutta þá hefur þetta áhugamál Steinars vaxið og dafnað og er nú orðið að fyrirtæki sem ber nafnið Meindýraeyðir íslands, sem samanstendur nú af nánustu fjölskyldu Steinars og er því sannkallað fjölskyldufyrirtæki.

 

Starfsnám

Fjölbrautarskóli Suðurnesja
Meindýraeyðir
Rafvirkjun
Flugnám
Skipstjónarréttindi

 

 

Áhugamál

• Fjölskyldan
• Meindýraeyðing
• Flug
• Hundar
• Björgunarsveit
 

 
 

 
 
 

Gjaldkeri

Guðrún Helga Jakobsdóttir Hansen

Netfang: helga@eydir.is

Helga sér um bókhald og reikningsgerð hjá fyrirtækinu. 

 

Menntun

Iðnskólinn í Hafnarfirði

Myndlistaskólinn í Reykjavík
 

 
 

 

 

Steinar Smári Guðbergsson er Meindýraeyðir Íslands.

 

Fyrir alllöngu síðan bjó Steinar Smári Guðbergsson með fjölskyldu sinni á sveitabæ. Honum blöskraði músa- og köngulóamergðin á heimilinu og tók að halda ófögnuðinum í skefjum með meindýravörnum. Efni sem aðgengileg eru almenningi nægðu ekki í þessi verk og því leitaði Steinar sér menntunar á sviði meindýravarna. Allt frá árinu 2005 hefur hann starfað sem meindýraeyðir og starfsemin er í sífelldri þróun en fyrirtæki hans ber heitið Meindýraeyðir Íslands ehf.

Margir vita ekki að starf meindýraeyðis snýst ekki bara um að farga fyrirliggjandi meindýrum heldur einnig að sinna forvörnum: „Fyrirtækjum í matvælageiranum, bæði þeim sem framleiða og framreiða mat, ber skylda til að vera með meindýraeyði á samningi sem setur upp meindýravarnir og heldur uppi eftirliti, sem miðar að því að halda meindýrum frá framleiðslu fyrirtækja. Það er réttur neytandans að neysluvaran sé sem best á allan máta,“ segir Steinar.

„Margir Íslendingar hugsa sjálfkrafa að ef minnst er á meindýraeyði þá sé eitthvað að. En það er alls ekki þannig. Forvarnirnar eru einn mikilvægasti þáttur í starfinu. Ef þú ert með meindýraeyði þá þýðir það að þú sért með hlutina í lagi. Þú ert að fyrirbyggja að meindýr komist í matinn sem þú ert að framleiða eða framreiða fyrir neytandann.“

Steinar Smári.jpg

Starfsemin er því tvíþætt, annars vegar tilfallandi útköll og hins vegar meindýraeftirlit og forvarnir. „Það eru ekki endilega bara matvælafyrirtæki og veitingastaðir sem þurfa á svona forvörnum og eftirliti að halda. Flugfélög, skólar, stofnanir og margs konar önnur fyrirtæki sem eru með viðkvæman og dýran búnað þurfa líka að fá eftirlitsþjónustu hjá meindýraeyði til að koma í veg fyrir að nagdýr skemmi leiðslur og þess háttar. Hótel og gististaðir hafa einnig þurft að eiga við veggjalús (bed bugs) og eru því oft með Meindýraeyði Íslands á hraðvali í símanum sínum.“

Almenningur getur líka þurft á forvörnum meindýraeyðis að halda: „Til dæmis er ágætis vani að láta eitra húsnæðið sem fólk ætlar að flytja í, því það veit ekki hvaða óæskilegu sambýlingar bíða spenntir eftir því. Einnig er sniðugt að láta meindýraeyði eitra á nýja staðnum, sérstaklega ef meindýra varð vart á gamla staðnum, því það kemur í veg fyrir að meindýrin sem flytjast með, nái sér á strik í nýja húsnæðinu.“

 

Óvelkomnum gestum fer fjölgandi

Steinar Smári segir að skordýrum hafi fjölgað hér á landi, bæði í tegundum og magni, með auknum fjölda ferðamanna. „Veggjalús hefur fjölgað mikið, sem fyrir segir. Kakkalökkum hefur líka fjölgað og það er reglulega hringt í mig út af þeim. Þá hafa bæst við gestir sem hafa jafnvel ekki fengið íslenskt nafn ennþá. Fyrir ekki löngu fannst hér í fyrsta skipti svokallaður „ghost ant“ og fékk heitið draugamaur,“ segir Steinar.

Enn fremur hefur köngulóm fjölgað á Íslandi, sérstakleg krossköngulónni, en með hlýrra veðri og auknu skjóli frá stærri trjágróðri hefur henni fjölgað mikið.

„Það eru 84 tegundir af köngulóm á Íslandi. Hins vegar eru geitungategundirnar bara tvær,  holugeitungur og trjágeitungur. Holugeitungurinn er minni en búin þeirra eru stærri og þeir eru mun árásargjarnari,“ segir Steinar Smári og kveður síðan niður algenga bábilju um köngulær:

„Það er oft sagt að þar sem mikið sé um köngulær sé lítið um flugur. En þar sem ég kem til að eitra fyrir köngulóm er yfirleitt mikið um flugur líka, það fara nefnilega ekki allar flugur í vefina. Og svo þegar úðað hefur verið fyrir köngulónum þá hverfa flugurnar líka því eitrið virkar líka á þær.“

Rottur upp úr röri

Það gefur auga leið að meindýraeyðar lendi í mörgu eftirminnilegu og stundum er það tengt rottugangi. Steinar segir okkur eina slíka sögu. „Þar sem eldri hús eru liggja oft rör frá þakrennum niður að jörðu og stingast svo ofan í gömlu steyptu rörin sem notuð voru mikið hér áður fyrr. Oft fer álrörið neðan úr rennunni að ryðga og tærast og steypurörið molnar, þá myndast gat sem rottur komast upp úr. Á einu heimili voru tveir Bengal-kettir og þeir ákváðu að gleðja húsbændur sína með því að draga fjórar spriklandi rottur inn í hús. Húsbændunum leist hins vegar ekki betur en svo á gjöfina að þeir hringdu í ofboði í meindýraeyðinn! Þegar ég hafði náð veiði kattanna, fór ég að kanna ástæður þess af hverju þessi ófögnuður hafði borist inn. Þar sem mig grunaði að fráfallsrör frá þakrennu væri ástæðan ásamt veiðigleði kattanna, fór ég út fyrir til að kíkja á, grunur minn reyndist réttur því ég sá tvo aðra ketti sem biðu við rörið, tilbúnir að hremma meiri bráð sem upp úr gatinu kæmi.“ – Var strax farið í það að setja fyrir gatið.

 

Góður tækjabúnaður og óreglulegur vinnutími

Meindýraeyðir Íslands leggur metnað sinn í að hafa ávallt nýjasta og besta tækjabúnað sem til er á markaðnum og er því ávallt vel tækjum búinn, ásamt því að halda menntun sinni við og fylgjast með öllum nýjungum á sviði meindýravarna hjá einstaklingum og fyrirtækjum.

„Sem dæmi um tól sem ég þarf að beita eru til dæmis gufubyssa, hitabyssa og skammbyssa annars vegar og hins vegar alls konar ferómón, gildrur og límspjöld. Límbúnaðurinn er á undanhaldi og ég beiti honum bara í neyð og þá undir stöðugu eftirliti. Ég er með mjög góðar dælur til notkunar bæði inni og úti.“

Eins og nærri má um geta er vinnutími meindýraeyðis mjög óreglulegur en í grundvallaratriðum má segja að Steinar sé alltaf til taks: „Ég loka nú oftast ellefu eða tólf á kvöldin. En ef það er neyðartilvik, til dæmis rotta í svefnherberginu, þá kem ég á vettvang á hvað   a tíma sólarhringsins sem er. En það er óþarfi að bregðast það hratt við ef þú sérð silfurskottu, því það þarf meiri undirbúning ásamt því að enginn má vera inni við án öndunargrímu.“

Nánari upplýsingar eru á vefsíðunni www.eydir.is og í síma 897-5255. Einnig er hægt að finna Meindýraeyði Íslands á Facebook.